بسم الله الرحمن الرحيم
السلام عليكم يا امهات يا حنونات
من الحاجات الي بتاثر فتربية الاطفال التلفزيوووووووووووون
لان الطفل بيلقط اى لفظ واي فعل وعلى اساسه بيتصرف
بيلقط من الام الاب القرايب المدرسة وفوق كل دة بقى التلفزيون من ضمن الحاجات دي
طبعا دلوقت كترت الفضائيات المخصصة للاطفال
ومش معنى ان دي قناة اطفال يبقى انها كويسة واسيب ابني قدامها طول النهار لالالالالا
ممكن تكون قناة بتعلم العنف او فيها الفاظ خارجة او مش مناسبة لعمره
دة بالنسبة لقنوات الاطفال
اما القنوات العادية الى احناالكبار بنتابعها فضروري اوي اننا منسبش الطفل يتفرج براحتو لازم نكون جنبه سواء فيلم عربي او فيلم اجنبي حتى لو الفيلم مافيهوش مناظر مخلة بس ممكن يكو فيه لفظ او عنف الطفل يتاثر بيه ولازم تبقى جنب ابنك عشان توضيحيله اى مشهد يشوفه
و لازم تكوني متاكدة انه الفيلم مش هيضر افكار ابنك مهما كان سنه صغير
وبم ان الموضوع منقول فاحب اعرفكم ان ده راى واحدة وراى انا كمان وانتى طبعا حرة فى رايك وادرى باللى بيحبه ابنك
قناة MBC3:تناسب عمر الطفل من 8 سنين ل13 سنة
افلام ومسلسلات كاتونية واجنبية مدبلجة ومترجمة بس اغلبها عنف واكشن ودايما المسلسلات الاجنبية فيها ناس لبسة وحوش شكلها يخوف فعلا
وبتعرض برامج مسابقات حلوة وافلام كارتونية مدبلجة بالمصري
قناة طيورالجنة واحد واتنين:تناسب الطفل من عمر سنتين ل8 سنين
اغاني دينية وتعليمية وبرامج
قناة حلوة اوى ومافيهاش اى حاجة خارجة
قناة سنا:من عمر سنتين ل8 سنين
اغاني دينية وتعليمة للطفل
قناة طه:من عمر سنتين ل 8 سنين
اغاني دينية وتعليمية
قناة شيعية
قناة نكلوديون:
من عمر 8 سنين ل13 سنة
كارتون ومسلسلات اجنبيةمدبلجة ومترجمة
فيها فواصل كارتون مقززة جداااا تجيب مثلا شخصيةكارتونية تطلع غازات وده انا بعتبره بيعلم الوقاحة
قنوات ديزني وكارتون نيتورك
من عمر 8 سنين ل 13 سنة
مسلسلات اجنبية مترجمة وكارتون مدبلج
مشفتش فيها اى حاجة خارجة
قناة براعم
من عمر سنتين ل 9 سنين
قناة تعليمية جميلة جداااااا
مسلسلات كارتونية رسوماتها والوانها حلوة اوي
قنوات كراميش وسمسم:من عمر سنتين ل8سنوات
اغاني ترفيهية
وطبعا مش هتجبري ابنك يشوف قناة غير الي بيحبها
لكن ممكن تقنعيه بطرق كتيييييييير
مثلا القناة دي بتجيب اغاني حلوة الفيلم ده احلى وطبعا انتي عارفة ابنك اكتر م اى حد
اهم حاجة نخلي بالنا من اطفالنا ويتعلمو من الكارتون الايجابيات مش السلبيااااااات
الأحد مايو 15, 2011 12:51 pm